Wednesday, March 17, 2010

బంగారు కలలకు పునాది - ఈ ఉగాది

- డా. ఎస్. బషీర్, చెన్నై / DR.S.BASHEER,CHENNAI


విరోధినామ సంవత్సరానికి వీడ్కోలు !
వికృతి నామ సంవత్సరానికి స్వాగతాలు!!
చైత్ర శుద్ధ పాడ్యమిన ఉగాది శుభారంభాలు
తెలుగు వారికి చంద్రమానం,
తమిళులకు సౌరమానం ప్రకారం శ్రీకారాలు !

తెలుగు వాళ్లకు -ఉగాది
కన్నడిగులకు -యుగాది
తమిళ్ళులకు- పుత్తాండు
మలయాళీలకు- విషు
మరాఠీయులకు-గుడీపడ్వా
పంజాబీలకు -బైసాఖి
బెంగాలీలకు -పొయలా-బైసాఖి
వేడుకలు వేరైనా, పండుగ ఒకటే !
కొంగొత్త ఆశలకు, విన్నూత్న ఆశయాలకు
కొత్తదనానికి శుభదినం
కొత్త సంవత్సరానికి ఆహ్వానం !
మంచి-చెడు, సుఖదుఃఖాల
చిరునవ్వు -కన్నీళ్ళ, ఆనంద-విషాదాల
కాల చక్ర పరిభ్రమణంలో అన్నిఆకులే !
బతుకు తెరపై మూడు కాలాలు
ఆరు ఋతువులుగా ఓ సంవత్సరం
మెరుపులా సాగుతున్న జీవనయానం
అన్నింటా నిర్నిరోధమే!

వసంతాల నవయవనసోయగాలు
మత్తకోకిలల కుహుకుహురవాలు
మధురిమ తెలుగుపలుకుల తియ్యదనాలు
ప్రతిఎదలోగుస గుసలాడుతున్నాయి
తెలుగు లోగిళ్ల పచ్చతోరణాలు
స్వాగతం పలుకుతున్నాయి
ఈ ఉగాది .......
ఉదాత్త మనోభావాలకు
మహత్తర ఆశయాలకు కావాలి ఆది !
విష సర్పాలకు, విషాదాలకు చెయ్యాలి సమాధి !
సనాతన ధర్మ సాంప్రదాయాలకు ఈ దేశం అనాది !
అందరిబంగారు కలలకు రావాలి సన్నిధి !
మానవ జీవనానికి దొరకాలి సుఖశాంతుల పెన్నిధి !
నేడు మహిళాలోక సంపూర్ణ సాధికారసౌధానికి నాంది !
భావితరాలకు వేయాలి గట్టి పునాది ఈ ఉగాది.

Tuesday, March 16, 2010

బంగారు కలలకు పునాది - ఈ ఉగాది



- డా. ఎస్. బషీర్, చెన్నై / DR.S.BASHEER,CHENNAI


విరోధినామ సంవత్సరానికి వీడ్కోలు !
వికృతి నామ సంవత్సరానికి స్వాగతాలు!!
చైత్ర శుద్ధ పాడ్యమిన ఉగాది శుభారంభాలు
తెలుగు వారికి చంద్రమానం,
తమిళులకు సౌరమానం ప్రకారం శ్రీకారాలు !

తెలుగు వాళ్లకు -ఉగాది
కన్నడిగులకు -యుగాది
తమిళ్ళులకు- పుత్తాండు
మలయాళీలకు- విషు
మరాఠీయులకు-గుడీపడ్వా
పంజాబీలకు -బైసాఖి
బెంగాలీలకు -పొయలా-బైసాఖి
వేడుకలు వేరైనా, పండుగ ఒకటే !
కొంగొత్త ఆశలకు, విన్నూత్న ఆశయాలకు
కొత్తదనానికి శుభదినం
కొత్త సంవత్సరానికి ఆహ్వానం !
మంచి-చెడు, సుఖదుఃఖాల
చిరునవ్వు -కన్నీళ్ళ, ఆనంద-విషాదాల
కాల చక్ర పరిభ్రమణంలో అన్నిఆకులే !
బతుకు తెరపై మూడు కాలాలు
ఆరు ఋతువులుగా ఓ సంవత్సరం
మెరుపులా సాగుతున్న జీవనయానం
అన్నింటా నిర్నిరోధమే!

వసంతాల నవయవనసోయగాలు
మత్తకోకిలల కుహుకుహురవాలు
మధురిమ తెలుగుపలుకుల తియ్యదనాలు
ప్రతిఎదలోగుస గుసలాడుతున్నాయి
తెలుగు లోగిళ్ల పచ్చతోరణాలు
స్వాగతం పలుకుతున్నాయి
ఈ ఉగాది .......
ఉదాత్త మనోభావాలకు
మహత్తర ఆశయాలకు కావాలి ఆది !
విష సర్పాలకు, విషాదాలకు చెయ్యాలి సమాధి !
సనాతన ధర్మ సాంప్రదాయాలకు ఈ దేశం అనాది !
అందరిబంగారు కలలకు రావాలి సన్నిధి !
మానవ జీవనానికి దొరకాలి సుఖశాంతుల పెన్నిధి !
నేడు మహిళాలోక సంపూర్ణ సాధికారసౌధానికి నాంది !


భావితరాలకు వేయాలి గట్టి పునాది ఈ ఉగాది.

ఉగాది శుభాకాంక్షలు

వికృతి నామ ఉగాది శుభాకాంక్షలు

Sunday, March 14, 2010

కవిత


నమస్తే....నమస్తే

- ఏ. రాధిక

ఊహలలో తేలియాడినంతసేపుఅదొక

ఆనందలోకం

కల తేరి ఇలపై కాలిడితే

అది మనకు అసలు సిసలు

ప్రయోగక్షేత్రం

అందులో గెలుపోటములు సమ ఉజ్జీలు

గెలుపును కౌగిలించుకొని

ఓటమికి వెన్ను చూపని వారికి

నమస్తే....నమస్తే

Sunday, March 7, 2010

అంతర్జాతీయ మహిళా దినోత్సవ శుభాకాంక్షలతో....

కవిత

మహిళ

ములుగు .లక్ష్మి మైథిలి , నెల్లూరు.


అవని నుంచి అంతరిక్షం దాకా


అమ్మ నుంచి ఆదిశక్తి కాగా


విద్యనుంచి వైజ్ఞానికరంగం దాకా


అన్ని రంగాలలో ఆమె తెగువ


నీకు నీవే సాటి ఓ మగువా


మహిళా లోకానికి మంగళ హారతులు


తరుణీ మణులకు మల్లెల మాలలు

బాల సాహితి

చిన్న కథ

పశ్చాత్తాపం

ఒక ఊరిలో ఒకతను ఉండేవాడు. అతని పేరు ధనగుప్తుడు. అతనికి పిసినారితనం ఎక్కువ. నెలకు ఒక షాంపూ ప్యాకెట్ వాడుకునేవాడు. రోజుకు ఒక మెతుకు బియ్యం తినేవాడు. అందుకే అతడు బలహీనంగా తయారయ్యాడు. ఎవరినీ నమ్మకపోవడంతో ఉన్న ధనమంతా ఇంట్లోనే ఉంచుకున్నాడు. ఒక రోజు అతని ఇంట్లో దొంగలు పడ్డారు . బలహీనంగా ఉండటంతో అతను ఏమీ చేయలేకపోయాడు. తినడానికి లేక అడుక్కు తినసాగాడు. డబ్బున్నపుడే బ్యాంకులో దాచుకొని ఉంటే తనకీ కష్టం వచ్చిఉండేది కాదని పశ్చాత్తాపం పడ్డాడు. కష్టం వచ్చాక పశ్చాత్తాప పడి ఏం లాభం?

Saturday, March 6, 2010

కవిత

Photo: SCY Naidu

వాతావరణ కాలుష్యం


-యస్సీ వై నాయుడు, చెన్నై-SCY Naidu, Chennai



మండుటెండలో, ఎండిన కొమ్మలపై,
మాడే కడుపులతో, పండిన గింజల కోసం,
"కాకా" అంటూ కలయచూస్తున్న కాకమ్మలు....

వచ్చేది వసంత ఋతువైనా......
చిగుళ్ళకు నోచుకోని కొమ్మలు,
నలువైపులా చీకటి ముసురుకున్న మేఘాలు,
దట్టంగా వ్యాపించిన పొగలు,
ఎటు చూచినా ప్రకృతి వినాశకాలు,
ఇవన్నీ ఈవాతావరణ కాలుష్యానికి కారణాలు కావా???

ఇకనైనా మనం ఆలోచించాలి దీనికి "నివారణలు",
లేకుంటే జీవజాతి ఎదుర్కోవాలి ఎన్నో దుష్పరిణామాలు.
అందుకే వృక్షజాలను రక్షించండి !
పచ్చదనాన్ని సృష్టించండి!!


%%%%%%%%%

Monday, March 1, 2010

హోలీ శుభాకాంక్షలతో.....


కలకాలం తీపి జ్ఞాపకాలను మదిలో నింపుకుందాం


- డా. బషీర్, చెన్నై Dr. Basheer, Chennai

రసిక హృదయాల సంగీత జావళి
మతసామరస్యానికి రంగుల నివాళి
భావోద్వేగాల నిండుగా వెలిగే దీపావళి
రంగు రంగుల ఆనందాల పండుగ హోలీ

ఇంద్రధనస్సు భువిపై విరిజల్లు
అందాల ఆనందాల రంగుల చిరుజల్లు
సప్తవర్ణాల హోలీ హరివిల్లు
ప్రతిమదిలో భావానురాగాలు వెదజల్లు

పేద-ధనిక ,చిన్న-పెద్ద తేడాలేకుండా
రాగద్వేషాలకు అతీతంగా
సమసమాజానికి ప్రతీకగా
ఆత్మీయానురాగాలను పంచే ఈ పండుగ

బాధలను, బాధ్యతలను
కనీసం ఒక రోజైనా మరచి
ఆనందోత్సాహాల ద్వారా మురిసి
రంగులతో కొత్త హంగులతో మురిసి

అందరం కలిసి ఆనందంగా హోలీ జరుపుకుందాం
కలకాలం తీపి జ్ఞాపకాలను మదిలో నింపుకుందాం