సుభాష్! నీకు జోహార్లు!!
- డా. బషీర్, చెన్నపట్టణం.
మాతృభూమి దాస్యశృంఖలాలను ఛేదించిఆంగ్లేయుల పాలనను ఎదిరించి
స్వాతంత్రోద్యమ విజయశంఖాన్ని పూరించి
గాంధీ అహింసా సిద్ధాంతాలను విభేదించి
అసమాన ధైర్యసాహసాలు ప్రదర్శించిన
ఓధీశాలీ సుభాష్ చంద్రబోస్!
నీకు వందనం! శతకోటి అభినందన చందనం!!
నీ పోరాట జ్ఞాపకాలు నవచైతన్య కాగడాలు
నీ ధైర్యసాహసాలు ఎవరెస్టు శిఖరాలు
నీ త్యాగఫలం హిందూ మహా సాగరాలు
బ్రిటిష్ కుంభస్థలాన్ని భేదించిన ఓ యువకిశోరా!
నీ స్వాతంత్ర్యకాంక్ష చరిత్రలో అజరఅమరం
‘ఆజాద్ హింద్ ఫౌజ్’ స్థాపించి
యుద్ధాన్ని ప్రకటించి
“మీరు రక్తాన్ని ఇవ్వండి, నేను దేశానికి విముక్తి ప్రసాదిస్తాను” – అని నొక్కిపలికి
ప్రపంచానికి ఎలగెత్తి చాటిన అమరవీరుడివి నీవు
నీకు జననమే కానీ మరణము లేదు
అందుకే నువ్వు ఇంకా బ్రతికి ఉన్నావని
మళ్ళీ ప్రత్యక్షమై ఈ దేశంలో కూరుకున్న
అవినీతిని తరిమివేస్తావని
ఇంకామాలో విశ్వాసం ప్రబలి ఉన్నది
ఓదేశ ప్రేమికుడా నీకు జోహార్లు !!
No comments:
Post a Comment