సాహితికి రచనలు ఎలా పంపాలి ?

తెలుగు సాహితీ వైభవాన్ని ప్రపంచానికి చాటిచెప్పే బృహద్ ప్రయత్నంలో ఉడుతా భక్తితో తోడ్పాటునందించాలనే సత్సంకల్పంతో ఈ అక్షర యజ్ఞానికి తమ సహాయ సహకారాలతో సాహితి ఆగస్టు 2, 2008 న శ్రీకారం చుడుతుంది. ఈ చిరు ప్రయత్నానికి తమ ఆత్మీయతను అందించగలరు. దేశ భాష లందే కాక ప్రపంచ భాషల మధ్యకూడా తెలుగు వైభవాన్ని చాటిచెప్పే సులభమైన అవకాశం ఇంటర్నెట్ కల్పిస్తున్నందున మన భాషా సాహిత్యాలను ప్రపంచవ్యాప్తం చేసేందుకు ఇది మంచి తరుణం. తెలుగులో ఉన్న పరమోత్కృష్టమైన సాహిత్యాన్ని డిజిటలైజ్ చేయటం, వివిధ భాషలలోకి తర్జుమా చేయడం, వివిధ భాషల మాధ్యమంగా ఆయా భాషలవారికి తెలుగు నేర్చుకునే అవకాశం కల్పించడం తదితర ప్రయత్నాలు మనం ఈ తరుణంలో నిష్ఠగా చేయవలసిన అవసరం ఎంతైనా ఉంది. తేనెల తేటల మాటలతో మన తెలుగు వెభవాన్ని చాటిచెపుతూ విశ్వవ్యాప్తంగా మానవీయ విలువలను, శాంతిని కాపాడే ప్రయత్నంలో సాహితి కి తమ చేయుతను, ఆదరణను అందించగలరు. తమ ఆదరణే సాహితి కి ఊపిరి, ప్రాణం కూడాను. తెలుగు రచనలే కాకుండా వివిధ భాషలలో తెలుగు సాహిత్యానువాదాలకు, తెలుగు వైభవ సుగంధాలను వెదజల్లేందుకు మరే ఇతర భాషలోనైనా రచనలకు సాహితి స్వాగతం పలుకుతోంది.

సాహితికి రచనలు ఎలా పంపాలి ?

సాహితి కి ఇదివరకు ప్రచురితం కాని మౌళిక రచనలు ఈ-మెయిల్ ద్వారా పంపగలరు. సాహితి లో ప్రచురితమైన తర్వాత మరే పత్రికకైనా నిరభ్యంతరంగా పంపవచ్చును, కానీ సాహితి వెబ్ పత్రిక లో ప్రచురితమైనట్టు సూచించగలరు. ఇదివరకే ముద్రిత పత్రికలలో ప్రచురితమైన మంచి రచనలను కూడా సాహితిలో ప్రచురణార్థం పంపవచ్చును. ఈ అక్షర యజ్ఞం పూర్తిగా వ్యాపారరహితమైనది, అందువలన తమ రచనలకు గాను సాహితి నుండి తమకు ఎటువంటి పారితోషకము అందించలేమని మనవి. తమ రచనలను గౌతమి (యూనికోడ్)ఫాంట్ ను ఉపయోగించి కంప్యూటరునందు టైపుచేసి

saahitee@gmail.com

కు ఈ-మెయిల్ ద్వారా పంపగలరు. మరేయితర ఫాంటునుపయోగించి టైపుచేసిన రచనలైనా పంపదలచినా ఫాంటునుకూడా మెయిల్ ద్వారా పంపగలరు. కంప్యూటర్ నందు తెలుగులో టైపుచేయటంలో ఏదైనా ఇబ్బంది కలిగితే తమ సందేహాలను తీర్చేందుకు, తమకు అవసరమైన సహాయాన్నందించేందుకు సాహితి ఎల్లవేలలా సంసిద్ధంగా ఉంటుంది. ఈ వెబ్ పత్రిక లో పొందుపరచిన ఉపకరణాన్ని ఉపయోగించికూడా మీరు సులభంగా తెలుగులో టైపు చేయవచ్చును. మరేవైనా సందేహాలకు సంపాదకులను దూరవాణి ద్వారా కూడా సంప్రదించవచ్చును.
సదా తమ ఆత్నీయతను కాంక్షించే

సాహితి అక్షరార్చకులు

శ్రీవైష్ణవి విజయ్ రాధిక బాబు మరియు బంధుమిత్రగణం