కవిత

మాతృభాష

- డాక్టర్ ఎస్. బషీర్, చెన్నై

తేనే లొలుకు మధుర భాష
వెన్న చిలుకు అమృత భాష
వెన్నెల పలుకుల జిలుగు భాష
ప్రతి పదం మకరందము చిలుకు
ప్రతి వాక్యం సరిగమలు పలుకు
అమ్మ మాటలోని కమ్మదనం
నాన్నబాటలోని ఆత్మబలం
భావితరాలకు ప్రేర్రణకు
ప్రగతిమార్గాన పయనించే
అందరికి అనురాగాలు పంచే
మాతృభాష సేవ ధన్యమురా !
మాతృదేవత,మాతృదేశం విలువ
విశ్వాన చాటారా !
తేజోమూర్తిగా విరాజిల్లరా !
వీరి సేవలు చేసిన జీవితమే ధన్యమురా !

అంతర్జాతీయ మాతృ భాషా దినోత్సవం సందర్భంగా, శుభాకాంక్షలతో...
{ప్రతి సంవత్సరం ఫిబ్రవరి 21 న అంతర్జాతీయ మాతృ భాషా దినోత్సవం
నిర్వహించాలన్న బంగ్లాదేశ్ ప్రతిపాదనను యునెస్కో అంగీకరించింది ]

కవిత

విస్తరణ

- ఉప్పలధడియం వెంకటేశ్వర

చిన్నప్పుడు
రోజూ సాయంత్రం
బజరుకెళ్ళే వాళ్ళం
ఇప్పుడు
అనునిత్యం
బజారే మా ఇంట్లో !

సుభాష్! నీకు జోహార్లు!!

నేతాజీకి కవితాంజలి

సుభాష్! నీకు జోహార్లు!!

- డా. బషీర్, చెన్నపట్టణం.

మాతృభూమి దాస్యశృంఖలాలను ఛేదించి
ఆంగ్లేయుల పాలనను ఎదిరించి
స్వాతంత్రోద్యమ విజయశంఖాన్ని పూరించి
గాంధీ అహింసా సిద్ధాంతాలను విభేదించి
అసమాన ధైర్యసాహసాలు ప్రదర్శించిన
ఓధీశాలీ సుభాష్ చంద్రబోస్!
నీకు వందనం! శతకోటి అభినందన చందనం!!
నీ పోరాట జ్ఞాపకాలు నవచైతన్య కాగడాలు
నీ ధైర్యసాహసాలు ఎవరెస్టు శిఖరాలు
నీ త్యాగఫలం హిందూ మహా సాగరాలు
బ్రిటిష్ కుంభస్థలాన్ని భేదించిన ఓ యువకిశోరా!
నీ స్వాతంత్ర్యకాంక్ష చరిత్రలో అజరఅమరం
‘ఆజాద్ హింద్ ఫౌజ్’ స్థాపించి
యుద్ధాన్ని ప్రకటించి
“మీరు రక్తాన్ని ఇవ్వండి, నేను దేశానికి విముక్తి ప్రసాదిస్తాను” – అని నొక్కిపలికి
ప్రపంచానికి ఎలగెత్తి చాటిన అమరవీరుడివి నీవు
నీకు జననమే కానీ మరణము లేదు
అందుకే నువ్వు ఇంకా బ్రతికి ఉన్నావని
మళ్ళీ ప్రత్యక్షమై ఈ దేశంలో కూరుకున్న
అవినీతిని తరిమివేస్తావని
ఇంకామాలో విశ్వాసం ప్రబలి ఉన్నది
ఓదేశ ప్రేమికుడా నీకు జోహార్లు !!

నేడు సుభాష్ చంద్ర బోస్ జయంతి (23 జనవరి)

కవిత

సుభాష్ చంద్ర బోస్ అమర్ రహే

-శ్రీమతి ములుగు లక్ష్మి మైథిలి, నెల్లూరు.

భరత మాత ప్రియసుతుడు
ఆ తల్లి దాస్య విముక్తి కై పోరాడినహితుడు
బ్రిటష్ వారిని ఎదిరించిన స్వరాజ్యప్రదాత
నేటి యువతకు కావాలి ఆ చేయూత
ఆజాద్ హింద్ ఫౌజ్ దళపతి
నేటి యువతకు స్ఫూర్తి
నేతాజీ సందేశం సజీవం
ధీరుడు, శూరుడు, అమరుడు
సాయుధ సంగ్రామoలో గగనంలో కలిసిన
సుభాష్ చంద్ర బోస్ అమర్ రహే

***

ఒంగోలు లో జనవరి 8,9 మరియు 10 తేదీన జరిగిన 6వ రాష్ట్రస్థాయి రచయితల మహాసభలో బి. హనుమారెడ్డి (అద్యక్షులు, ప్రకాశం జిల్లా రచయితల సంఘం ) చేతులమీదుగా కవితాపురస్కారాన్ని అందుకుంటున్న శ్రీమతి ములుగు లక్ష్మీ మైథిలిగారు.

నూతన సంవత్సర శుభాకాంక్షలతో...

ఆత్మీయానుబంధాలకు స్వాగతం! సుస్వాగతం!!

- డా. బషీర్, చెన్నపట్టణం.

కొత్త ఆశయాలకు కొత్త భావాలకు
పరికల్పనలు బంగారు కలలకు
కొన్ని సత్యాలకు, స్నేహ బంధాలకు
త్యాగాలకు రాగాలకు
ఆత్మీయానుబంధాలకు స్వాగతం! సుస్వాగతం!!
2010 నీకు ఘన స్వాగతం
పరిగెడుతున్న కాలం పురివిప్పింది నెమలిలా
వేయి వీణలను మీటి నవ వసంత, సలలిత రాగసుధా గానాన్ని
వినిపించి వీనుల విందు చేసింది
నవ జ్యోతులను వెలిగించింది
ప్రతి అణువు పులకించింది
ప్రతి గుండె ఆనందంతో పరవశించింది
జగతిన క్రొత్త సంవత్సరం మెరిసింది
విశ్వవేధికపై మధువసంతం మురిసింది
జీవితాలకు క్రొత్త ఊపిరి పోసింది
2010లోనైనా మానవతకు విలువ ఉంటుందని ఆశిద్దాం
జాతి, మత, భాషా ప్రాంతీయ భేదాలు విడనాడి
విశ్వశాంతికై ఐక్యతాగీతాన్ని పాడుకుందాం.

కవిత kavitha

రక్షా బంధన్

Dr. S. Basheer, Chennai

ప్రేమామృత-మమతాను బంధాల మధుర పర్వమిది.
అన్నా- చెల్లెళ్ళ, అక్కా- తమ్ముళ్ళ, రక్షా కవచ మిది.
మధురం, సుమధురం ఈ అన్నాచెల్లెళ్ళ అనురాగ బంధం.
రక్త సంభంధాలకు ఆయువు, ఈ జన్మజన్మల సంబంధం.
ఉత్తర భారతీయుల ప్రాముఖ్య పండుగ ఆనాడు.
అన్ని మతాలవారు జరుపుకునే ఆత్మీయత పండుగ ఈనాడు.
కుటుంబ సభ్యుల సన్నిధిలో జరిగే ఈ రాఖీ పండుగ,
అన్న, చెల్లెళ్ళ కిచ్చే కానుకల పెన్నిధి నిండుగా.
అన్నా- చెల్లెళ్ళ అనుబంధాలకు ప్రతీక.
జన్మజన్మల సంబంధాలకు స్మారిక.
జగతిన ఆనందోత్సవాలతో వెలిగే దీపిక.
ఈ రాఖీ పండుగ అష్టైశ్వర్యాలను అందిస్తుంది నిండుగా.
“రక్షా బంధన్”గా ప్రసిద్ధిగాంచిన ఈ పండుగ,
“వృక్షా బంధన్”గా యువతరాన్ని ఆకట్టు కుంటున్నది,
“గ్లోబలైజేషన్” ప్రాముఖ్యత దశ దిశల చాటు తున్నది.
***************

కవిత

ఉగాది శుభాకాంక్షలు

-యస్సీవై నాయుడు

“విరోధి నామ” సంవత్సరాన

సకల జనులకు, విశ్వ తెలుగు ప్రజలకు,

శత్రు శేషము ఉండరాదని,శత్రువులు మిత్రులుగా మారాలనీ,

సౌభ్రాతృత్వంలో మానవతా గులాబీలుప్రతి ఎదలో పూయించాలనీ,

విశ్వం అందమైన బృందావనంగా మారాలనీ,

శ్రేయోభిలాషులకు, ఇంటిల్లి పాదికి,

అందిస్తున్నాను ఉగాది శుభాకాంక్షలు.